ਅਸੀਂ ਪੈਰ-ਪੈਰ ਜ਼ਿੰਦਗੀ ਉਸਾਰ ਲੈਣੀ ਐ
ਅਸੀਂ ਨਿੱਕੇ ਨਿੱਕੇ ਬਾਲ,ਪਾਈਏ ਖੇਡਾਂ 'ਚ ਧਮਾਲ
ਫੇਰ ਪੜ੍ਹ-ਪੜ੍ਹ ਮੱਲ ਕੋਈ ਮਾਰ ਲੈਣੀ
ਐ
ਅਸੀਂ ਪੈਰ-ਪੈਰ ਜ਼ਿੰਦਗੀ ਉਸਾਰ ਲੈਣੀ ਐ
ਕਦੇ ਚੋਰ ਤੇ ਸਿਪਾਹੀਆਂ,ਕਦੇ ਦੁੱਕੜੇ ਤੇ ਦਾਈਆਂ
ਫੇਰ ਹਾਕੀਆਂ-ਕਬੱਡੀਆਂ ਦੀ ਸਾਰ ਲੈਣੀ ਐ
ਅਸੀਂ ਵੀਡੀਓ ਦੀ ਗੇਮ ਹੀ ਵਿਸਾਰ ਦੇਣੀ ਐ
ਭਾਵੇਂ ਗੁੱਸੇ ਹੋਵੇ ਬੇਲੀ, ਭਾਵੇਂ
ਰੁੱਸ ਜਾਏ ਸਹੇਲੀ
ਨਿੱਕੀ ਜਿਹੀ ਮਾਫੀ ਮੰਗ ਪੁਚਕਾਰ ਲੈਣੀ ਐ
ਹਾਸੀ ਸਭਨਾਂ ਦੇ ਮੁੱਖ 'ਤੇ ਖਿਲਾਰ ਦੇਣੀ ਐ
ਚਾਹੇ ਟੁੱਟ ਜਾਏ ਖਿਡੌਣਾ,ਅਸੀਂ ਕਦੀ ਵੀ ਨਾ ਰੋਣਾ
ਅਸੀਂ ਲੀਰਾਂ ਹੋਈ ਖਿਦੋ ਵੀ
ਸੰਵਾਰ ਲੈਣੀ ਐ
ਅਸੀਂ ਪਾਟੀ ਹੋਈ ਗੁੱਡੀ ਵੀ ਸ਼ਿੰਗਾਰ ਲੈਣੀ ਐ
ਰੁੱਖਾਂ ਉਤੇ ਚੜ੍ਹ ਜਾਈਏ, ੳਥੇ ਆਲ੍ਹਣੇ ਬਣਾਈਏ
ਅਸੀਂ ਪੰਛੀਆਂ ਤੋਂ ਦੋਸਤੀ ਉਧਾਰ ਲੈਣੀ ਐ
ਉਚੇ ਅੰਬਰਾਂ ਦੇ
ਵੱਲ ਨੂੰ ਉਡਾਰ
ਲੈਣੀ ਐ
ਅਸੀਂ ਛੋਟੇ ਵੱਡੇ ਬਾਲ,ਪਾਈਏ ਖੇਡਾਂ ’ਚ ਧਮਾਲ
ਫੇਰ ਪੜ੍ਹ-ਪੜ੍ਹ ਮੱਲ ਕੋਈ ਮਾਰ ਲੈਣੀ
ਐ
ਅਸੀਂ ਪੈਰ-ਪੈਰ ਜ਼ਿੰਦਗੀ ਉਸਾਰ ਲੈਣੀ ਐ ।
No comments:
Post a Comment